0
0
સારા ન્યુઝ, ભાવનગર
ભાવનગર જીલ્લાના લેવલ કોસીંગ નં.૧૮૫ ધોળા ખાતે કિ.મી. ૧૨૦ / ૬-૭ વચ્ચે ધોળા-સણોસરાના સમારકામના કામે આ રૂટ પર ચાલતા વાહનો માટે તા.૧૮/૦૭/૨૦૨૫ થી તા.૨૧/૦૭/૨૦૨૫ સુધીના સમયગાળા માટે આ રૂટ પરના વાહનો માટે રસ્તો બંધ કરવા અંગે જાહેરનામું પ્રસિધ્ધ કરવા અંગે વૈકલ્પીક રસ્તા-ડાયવર્ઝન રૂટની વિગતો તેમજ કાયદો અને વ્યવસ્થાની પરિસ્થિતિ સહિતની વિગતો ધ્યાને લઇ આવતા-જતા વાહનો માટે ડાયવર્ઝન આપવા સીનીયર સેકશન એન્જીનીયર, પશ્ચિમ રેલ્વે, ભાવનગર પરાના તા.૧૦/૦૭/૨૦૨૫ ના પત્રથી દરખાસ્ત રજુ થયેલ છે. જે દરખાસ્ત અનુસાર ગુજરાત પોલીસ અધિનિયમ-૧૯૫૧ ની કલમ-૩૩(૧)(બી) હેઠળ મને મળેલ અધિકારની રૂઈએ હું એન.ડી.ગોવાણી, (જી.એ.એસ.), અધિક જિલ્લા મેજિસ્ટ્રેટ, ભાવનગર જિલ્લો, ભાવનગર આથી સદર હુ કોસીંગ નંબર ૧૮૫ ના સમારકામ માટે હાલ ક્રોસીંગ ૧૮૫ બંધ કરી તા.૧૮/૭/૨૦૨૫ થી તા.૨૧/૭/૨૦૨૫ના સમયગાળા સુધી ડાયવર્જન રૂટ ઉપર વાહનો પસાર કરવા ફરમાવું છું.
વાહનોની અવરજવર માટે નીચે મુજબ ડાયવર્ઝન રૂટ રહેશે(૭) અમદાવાદ જવા માટે રંઘોળા – સણોસરા – શિહોર – નેસડા – ધાંધળી વલ્લભીપુર સુધીનો માર્ગ ભારે વાહનો માટે ઉપયોગ કરી શકાશે.(૨) અમરેલી – ગારીયાધાર જવા માટે વલ્લભીપુર – ધાંધળી – નેસડા- શિહોર -સણોસરા – રંઘોળા ભારે વાહનો માટે ઉપયોગ કરી શકાશે.(3) ક્રોસીંગ નંબર ૧૮૫ ના સમારકામ દરમ્યાન લાઈટ વ્હીકલ તેમજ ટુવ્હીલ વાહનો માટે રંઘોળા-બજુડ પાટીયા-બજુડ ગામ-ધારૂકા-ઉમરાળા- વલ્લભીપુર સુધીનો માર્ગ લાઇટ વ્હીકલ તેમજ ટુ વ્હીલ માટે ઉપયોગ કરી શકાશે.
આ જાહેરનામાનો ભંગ/ઉલ્લંઘન કરનારને ગુજરાત પોલીસ અધિનિયમ-૧૯૫૧ની કલમ-૧૩૧ મુજબ શિક્ષા થશે. જાહેરનામાનો અમલ અને તેના ભંગ બદલના પગલા લેવા માટે હેડ કોન્સ્ટેબલથી નીચેના ન હોય તેવા ફરજ પરના અધિકારીને અધિકાર રહેશે.
